آم کے پیڑوں کے سارے پھل سنہرے ہو گئے
اس برس بھی راستہ کیوں رو رہا تھا دیکھتے

عنبر بہرائچی

---

---

باہر سارے میداں جیت چکا تھا وہ
گھر لوٹا تو پل بھر میں ہی ٹوٹا تھا

عنبر بہرائچی

---

---

چہروں پہ زر پوش اندھیرے پھیلے ہیں
اب جینے کے ڈھنگ بڑے ہی مہنگے ہیں

عنبر بہرائچی

---

---

ایک ساحر کبھی گزرا تھا ادھر سے عنبرؔ
جائے حیرت کہ سبھی اس کے اثر میں ہیں ابھی

عنبر بہرائچی

---

---

ایک سناٹا بچھا ہے اس جہاں میں ہر طرف
آسماں در آسماں در آسماں کیوں رت جگے ہیں

عنبر بہرائچی

---

---

گئے تھے ہم بھی بحر کی تہوں میں جھومتے ہوئے
ہر ایک سیپ کے لبوں میں صرف ریگزار تھا

عنبر بہرائچی

---

---

ہم پی بھی گئے اور سلامت بھی ہیں عنبرؔ
پانی کی ہر اک بوند میں ہیرے کی کنی تھی

عنبر بہرائچی

---

---