بستیوں والے تو خود اوڑھ کے پتے، سوئے
دل آوارہ تجھے رات سنبھالا کس نے

علی اکبر ناطق

---

---

چراغ بانٹنے والوں پہ حیرتیں نہ کرو
یہ آفتاب ہیں، شب کی دعا میں شاد رہیں

علی اکبر ناطق

---

---

دھوپ پھیلی تو کہا دیوار نے جھک کر مجھے
مل گلے میرے مسافر، میرے سائے کے حبیب

علی اکبر ناطق

---

---

فاختائیں بولتی ہیں بجروں کے دیس میں
تو بھی سن لے آسماں یہ گیت میرے نام کا

علی اکبر ناطق

---

---

غبار شہر میں اسے نہ ڈھونڈ جو خزاں کی شب
ہوا کی راہ سے ملا، ہوا کی راہ پر گیا

علی اکبر ناطق

---

---

حجاب آ گیا تھا مجھ کو دل کے اضطراب پر
یہی سبب ہے تیرے در پہ لوٹ کر نہ آ سکا

علی اکبر ناطق

---

---

اتنا آساں نہیں پانی سے شبیہیں دھونا
خود بھی روئے گا مصور یہ قیامت کر کے

علی اکبر ناطق

---

---