ذہن میں اجنبی سمتوں کے ہیں پیکر لیکن
دل کے آئینے میں سب عکس پرانے نکلے

اکمل امام

---

---

زندگی کے بہت قریب نہ جا
فاصلہ کچھ تو اپنے دھیان میں رکھ

اکمل امام

---

---

اب درد بھی اک حد سے گزرنے نہیں پاتا
اب ہجر میں وہ پہلی سی وحشت نہیں ہوتی

اکرم محمود

---

---

اب دل بھی دکھاؤ تو اذیت نہیں ہوتی
حیرت ہے کسی بات پہ حیرت نہیں ہوتی

اکرم محمود

---

---

عجب تقاضا ہے مجھ سے جدا نہ ہونے کا
کہ جیسے کون و مکاں میرے اختیار میں ہے

اکرم محمود

---

---

بس اتنا یاد ہے اک بھول سی ہوئی تھی کہیں
اب اس سے بڑھ کے دکھوں کا حساب کیا رکھنا

اکرم محمود

---

---

چڑھے ہوئے ہیں جو دریا اتر بھی جائیں گے
مرے بغیر ترے دن گزر بھی جائیں گے

اکرم محمود

---

---