یہ حاصل ہے مری خاموشیوں کا
کہ پتھر آزمانے لگ گئے ہیں

مدن موہن دانش

---

---

یہ نادانی نہیں تو کیا ہے دانشؔ
سمجھنا تھا جسے سمجھا رہا ہوں

مدن موہن دانش

---

---

یہاں کوئی نہ جی سکا نہ جی سکے گا ہوش میں
مٹا دے نام ہوش کا شراب لا شراب لا

مدن پال

---

---

بجز حق کے نہیں ہے غیر سے ہرگز توقع کچھ
مگر دنیا کے لوگوں میں مجھے ہے پیار سے مطلب

ماہ لقا چنداؔ

---

---

چنداؔ رہے پرتو سے ترے یا علی روشن
خورشید کو ہے در سے ترے شام و سحر فیض

ماہ لقا چنداؔ

---

---

دریغ چشم کرم سے نہ رکھ کہ اے ظالم
کرے ہے دل کو مرے تیری یک نظر محظوظ

ماہ لقا چنداؔ

---

---

دل ہو گیا ہے غم سے ترے داغ دار خوب
پھولا ہے کیا ہی جوش سے یہ لالہ زار خوب

ماہ لقا چنداؔ

---

---