گر مرے دل کو چرایا نہیں تو نے ظالم
کھول دے بند ہتھیلی کو دکھا ہاتھوں کو

ماہ لقا چنداؔ

---

---

گرچہ گل کی سیج ہو تس پر بھی اڑ جاتی ہے نیند
سر رکھوں قدموں پہ جب تیرے مجھے آتی ہے نیند

ماہ لقا چنداؔ

---

---

گل کے ہونے کی توقع پہ جیے بیٹھی ہے
ہر کلی جان کو مٹھی میں لیے بیٹھی ہے

ماہ لقا چنداؔ

---

---

ہم جو شب کو ناگہاں اس شوخ کے پالے پڑے
دل تو جاتا ہی رہا اب جان کے لالے پڑے

ماہ لقا چنداؔ

---

---

کبھی صیاد کا کھٹکا ہے کبھی خوف خزاں
بلبل اب جان ہتھیلی پہ لیے بیٹھی ہے

ماہ لقا چنداؔ

---

---

ناداں سے ایک عمر رہا مجھ کو ربط عشق
دانا سے اب پڑا ہے سروکار دیکھنا

ماہ لقا چنداؔ

---

---

سنگ رہ ہوں ایک ٹھوکر کے لیے
تس پہ وہ دامن سنبھال آتا ہے آج

ماہ لقا چنداؔ

---

---