تیر و تلوار سے بڑھ کر ہے تری ترچھی نگہ
سیکڑوں عاشقوں کا خون کیے بیٹھی ہے

ماہ لقا چنداؔ

---

---

ان کو آنکھیں دکھا دے ٹک ساقی
چاہتے ہیں جو بار بار شراب

ماہ لقا چنداؔ

---

---

ہر ایک رات کے پہلو سے دن نکلتا ہے
وہ لوگ کیسے سنور جائیں جو تباہ نہیں

ماہ طلعت زاہدی

---

---

یاد کے خوش نما جزیروں میں
دل کی آوارگی سی رہتی ہے

ماہ طلعت زاہدی

---

---

بادۂ خم خانۂ توحید کا مے نوش ہوں
چور ہوں مستی میں ایسا بے خود و مدہوش ہوں

مہراج سرکشن پرشاد شاد

---

---

دل میں جب سے دیکھتا ہے وہ تری تصویر کو
نور برساتا ہے اپنی چشم تر سے آفتاب

مہراج سرکشن پرشاد شاد

---

---

فنا ہی کا ہے بقا نام دوسرا انجمؔ
نفس کی آمد و شد موت کا ترانہ ہے

مہاویر پرشاد انجم

---

---