وہ خواب جس پہ تیرہ شبی کا گمان تھا
وہ خواب آفتاب کی تعبیر ہو گیا

آغاز برنی

---

---

اب میں ہوں اور خواب پریشاں ہے میرے ساتھ
کتنا پڑے گا اور ابھی جاگنا مجھے

احمد علی برقی اعظمی

---

---

چپہ چپہ اس کی گلی کا رہا ہے میرے زیر قدم
جوش جنوں سے عزم سفر تک ایک کہانی بیچ میں ہے

احمد علی برقی اعظمی

---

---

اس حال میں کب تک یوں ہی گھٹ گھٹ کے جیوں گا
روٹھا ہے وہ ایسے کہ منا بھی نہیں سکتا

احمد علی برقی اعظمی

---

---

روٹھنے اور منانے کے احساس میں ہے اک کیف و سرور
میں نے ہمیشہ اسے منایا وہ بھی مجھے منائے تو

احمد علی برقی اعظمی

---

---

سمجھ رہا تھا جسے خیر خواہ میں اپنا
وہی ہے دشمن جاں میرا سب سے بڑھ کر آج

احمد علی برقی اعظمی

---

---

زندگی اس نے بدل کر مری رکھ دی ایسی
نہ مجھے چین نہ آرام ہے کیا عرض کروں

احمد علی برقی اعظمی

---

---