تری نگاہ تو خوش منظری پہ رہتی ہے
تیری پسند کے منظر کہاں سے لاؤں میں

خلیل تنویر

---

---

تو مجھ کو بھولنا چاہے تو بھول سکتا ہے
میں ایک حرف تمنا تری کتاب میں ہوں

خلیل تنویر

---

---

وہ لوگ اپنے آپ میں کتنے عظیم تھے
جو اپنے دشمنوں سے بھی نفرت نہ کر سکے

خلیل تنویر

---

---

وہ لوگ جن کی زمانہ ہنسی اڑاتا ہے
اک عمر بعد انہیں معتبر بھی کرتا ہے

خلیل تنویر

---

---

وہ شہر چھوڑ کے مدت ہوئی چلا بھی گیا
حد افق پہ مگر چاند روبرو ہے وہی

خلیل تنویر

---

---

زمانہ لاکھ ستاروں کو چھو کے آ جائے
ابھی دلوں کو مگر حاجت رفو ہے وہی

خلیل تنویر

---

---

ذرا سی ٹھیس لگی تھی کہ چور چور ہوا
ترے خیال کا پیکر بھی آبگینہ تھا

خلیل تنویر

---

---