وقت پوجے گا ہمیں وقت ہمیں ڈھونڈے گا
اور تم وقت کے ہمراہ چلو گے یارو

خلیق قریشی

---

---

جانے کتنے ڈوبنے والے ساحل پر بھی ڈوب گئے
پیارے! طوفانوں میں رہ کر اتنا بھی گھبرانا کیا

خلیق صدیقی

---

---

پھول سے باس جدا فکر سے احساس جدا
فرد سے ٹوٹ گئے فرد قبیلے نہ رہے

خالد احمد

---

---

ترک تعلقات پہ رویا نہ تو نہ میں
لیکن یہ کیا کہ چین سے سویا نہ تو نہ میں

خالد احمد

---

---

وہ گلی ہم سے چھوٹتی ہی نہیں
کیا کریں آس ٹوٹتی ہی نہیں

خالد احمد

---

---

وہ جو ایک بات تھی گفتنی وہی ایک بات شنیدنی
جسے میں نے تم سے کہا نہیں جسے تم نے مجھ سے سنا نہیں

خالد علیگ

---

---

ابھی مرنے کی جلدی ہے عبادیؔ
اگر زندہ رہے تو پھر ملیں گے

خالد عبادی

---

---