یادوں کے نشیمن کو جلایا تو نہیں ہے
ہم نے تجھے اس دل سے بھلایا تو نہیں ہے

افضل الہ آبادی

---

---

یوں علاج دل بیمار کیا جائے گا
شربت‌ دید سے سرشار کیا جائے گا

افضل الہ آبادی

---

---

اپنے بدن سے لپٹا ہوا آدمی تھا میں
مجھ سے چھڑا کے مجھ کو بتا کون لے گیا

افضل گوہر راؤ

---

---

چند لوگوں کی محبت بھی غنیمت ہے میاں
شہر کا شہر ہمارا تو نہیں ہو سکتا

افضل گوہر راؤ

---

---

ایک ہی دائرے میں قید ہیں ہم لوگ یہاں
اب جہاں تم ہو کوئی اور وہاں تھا پہلے

افضل گوہر راؤ

---

---

گمراہ کب کیا ہے کسی راہ نے مجھے
چلنے لگا ہوں آپ ہی اپنے خلاف میں

افضل گوہر راؤ

---

---

ہجر میں اتنا خسارہ تو نہیں ہو سکتا
ایک ہی عشق دوبارہ تو نہیں ہو سکتا

افضل گوہر راؤ

---

---