اسے عجب تھا غرور شگفت رخساری
بہار گل کو بہت بے ہنر کہا اس نے

افضال احمد سید

---

---

یہی بہت تھے مجھے نان و آب و شمع و گل
سفر نژاد تھا اسباب مختصر رکھا

افضال احمد سید

---

---

اب تو ہر ایک اداکار سے ڈر لگتا ہے
مجھ کو دشمن سے نہیں یار سے ڈر لگتا ہے

افضل الہ آبادی

---

---

اشک آنکھوں میں لئے آٹھوں پہر دیکھے گا کون
ہم نہیں ہوں گے تو تیری رہ گزر دیکھے گا کون

افضل الہ آبادی

---

---

غموں کی دھوپ میں ملتے ہیں سائباں بن کر
زمیں پہ رہتے ہیں کچھ لوگ آسماں بن کر

افضل الہ آبادی

---

---

ہر نغمۂ پر درد ہر اک ساز سے پہلے
ہنگامہ بپا ہوتا ہے آغاز سے پہلے

افضل الہ آبادی

---

---

ہو نہیں پاتی شاعری افضلؔ
نذر جب تک لہو نہیں کرتا

افضل الہ آبادی

---

---