اس دل کو کسی دست ادا سنج میں رکھنا
ممکن ہے یہ میزان کم و بیش جلا دے

افضال احمد سید

---

---

کمان خانۂ افلاک کے مقابل بھی
میں اس سے اور وہ پھر کج کلاہ مجھ سے ہوا

افضال احمد سید

---

---

کمان شاخ سے گل کس ہدف کو جاتے ہیں
نشیب خاک میں جا کر مجھے خیال آیا

افضال احمد سید

---

---

کتاب خاک پڑھی زلزلے کی رات اس نے
شگفت گل کے زمانے میں وہ یقیں لایا

افضال احمد سید

---

---

کتاب عمر سے سب حرف اڑ گئے میرے
کہ مجھ اسیر کو ہونا ہے ہم کلام اس کا

افضال احمد سید

---

---

میں چاہتا ہوں مجھے مشعلوں کے ساتھ جلا
کشادہ تر ہے اگر خیمۂ ہوا تجھ پہ

افضال احمد سید

---

---

میں دل کو اس کی تغافل سرا سے لے آیا
اور اپنے خانۂ وحشت میں زیر دام رکھا

افضال احمد سید

---

---