اگر روتے نہ ہم تو دیکھتے تم
جہاں میں ناؤ کو دریا نہ ہوتا
شیخ ظہور الدین حاتم
اہل معنی جز نہ بوجھے گا کوئی اس رمز کو
ہم نے پایا ہے خدا کو صورت انساں کے بیچ
شیخ ظہور الدین حاتم
اے خرد مندو مبارک ہو تمہیں فرزانگی
ہم ہوں اور صحرا ہو اور حیرت ہو اور دیوانگی
شیخ ظہور الدین حاتم
اے خزاں بھاگ جا چمن سے شتاب
ورنہ فوج بہار آوے ہے
شیخ ظہور الدین حاتم
اے مسلمانو بڑا کافر ہے وہ
جو نہ ہووے زلف گیراں کا مطیع
شیخ ظہور الدین حاتم
ایسا کروں گا اب کے گریباں کو تار تار
جو پھر کسی طرح سے کسی سے رفو نہ ہو
شیخ ظہور الدین حاتم
ایسی ہوا بہی کہ ہے چاروں طرف فساد
جز سایۂ خدا کہیں دارالاماں نہیں
شیخ ظہور الدین حاتم
انا الحق کی حقیقت کو جو ہو منصور سو جانے
کہ اس کو آسماں چڑھنے سے چڑھنا دار بہتر تھا
شیخ ظہور الدین حاتم
اسیروں کا نہیں کچھ شور و غل یہ آج زنداں میں
مرے دیوانہ پن کو دیکھ کر زنجیر ہنستی ہے
شیخ ظہور الدین حاتم