مل مل گئے ہیں خاک میں لاکھوں دل روشن
ہر ذرہ مجھے عرش کا تارا نظر آیا
منیرؔ شکوہ آبادی
منڈیروں پر چھڑک دے اپنے کشتوں کا لہو اے گل
اگے گا سبزۂ شمسیر دیوار گلستاں پر
منیرؔ شکوہ آبادی
منہ تک بھی ضعف سے نہیں آ سکتی دل کی بات
دروازہ گھر سے سیکڑوں فرسنگ ہو گیا
منیرؔ شکوہ آبادی
مجھ کو اپنے ساتھ ہی تیرے سلانے کی ہوس
اس طرح ہے بخت خفتہ کے جگانے کی ہوس
منیرؔ شکوہ آبادی
نماز شکر کی پڑھتا ہے جام توڑ کے شیخ
وضو کے واسطے لیتا ہے آبروئے شراب
منیرؔ شکوہ آبادی
پڑ گئی جان جو اس طفل نے پتھر مارے
آج جگنو کی طرح ہر شرر سنگ اڑا
منیرؔ شکوہ آبادی
پایا طبیب نے جو تری زلف کا مریض
شامل دوا میں مشک شب تار کر دیا
منیرؔ شکوہ آبادی
پہنچا ہے اس کے پاس یہ آئینہ ٹوٹ کے
کس سے ملا ہے شیشۂ دل ہم سے پھوٹ کے
منیرؔ شکوہ آبادی
رندوں کو پابندیٔ دنیا کہاں
کشتیٔ مے کو نہیں لنگر کی چاہ
منیرؔ شکوہ آبادی