aankhen KHuda ne baKHshi hain rone ke waste
do kashtiyan mili hain Dubone ke waste

Muneer Shikohabadi

---

---

aankhon mein khaTakti hi rahi daulat-e-duniya
har sikke ki machhli mein bhi kanTa nazar aaya

Muneer Shikohabadi

---

---

aankhon mein nahin silsial-e-ashk shab-o-roz
tasbih paDha karte hain din raat tumhaari

Muneer Shikohabadi

---

---

aashiq bana ke hum ko jalate hain shama-ru
parwana chahiye unhen parwana chahiye

Muneer Shikohabadi

---

---

aastin-e-sabr se bahar na niklega agar
hogi dast-e-ghaib ki surat hamare hath mein

Muneer Shikohabadi

---

---

aate nahin hain dida-giryan ke samne
baadal bhi karte hain meri barsat ka lihaz

Muneer Shikohabadi

---

---

ab ke bahaar-e-husn-e-butan hai kamal par
naqus ho na jae kaf-e-barhaman mein phul

Muneer Shikohabadi

---

---

ai but ye hai namaz ki hai ghat qatl ki
niyyat ada ki hai ki ishaare qaza ke hain

Muneer Shikohabadi

---

---

ai rashk-e-mah raat ko muTThi na kholna
mehdi ka chor hath se jae na chhuT ke

Muneer Shikohabadi

---

---