milna jo na ho tum ko to kah do na milenge
ye kya kabhi parson hai kabhi kal hai kabhi aaj

Nooh Narvi

---

---

kambaKHt kabhi ji se guzarne nahin deti
jine ki tamanna mujhe marne nahin deti

Nooh Narvi

---

---

KHak ho kar hi hum pahunch jate
us taraf ki magar hawa bhi nahin

Nooh Narvi

---

---

KHuda ke Dar se hum tum ko KHuda to kah nahin sakte
magar lutf-e-KHuda qahr-e-KHuda shan-e-KHuda tum ho

For fear of God, to you cannot, ascribe divinity
but joy divine, wrath divine, glory divine you be

Nooh Narvi

---

---

KHuda ke sajde buton ke aage phir aise sajde ki sar na uTThe
ajab tarah ki hamari niyyat nai tarah ki namaz mein hai

Nooh Narvi

---

---

koi yahan se chal diya raunaq-e-baam-o-dar nahin
dekh raha hun ghar ko main ghar hai magar wo ghar nahin

Nooh Narvi

---

---

kuchh aur ban paDi na sawal-e-visal par
hairat se dekh kar wo mere munh ko rah gae

Nooh Narvi

---

---

laila hai na majnun hai na shirin hai na farhad
ab rah gae hain aashiq o mashuq mein hum aap

Nooh Narvi

---

---

majra-e-qais mere zehn mein mahfuz hai
ek diwane se suniye ek diwane ka haal

Nooh Narvi

---

---