dil mein ghuT ghuT kar inhen rahte zamana ho gaya
meri fariyaaden bhi ab aamada-e-fariyaad hain

Nooh Narvi

---

---

dil ko tum shauq se le jao magar yaad rahe
ye na mera na tumhaara na kisi ka hoga

Nooh Narvi

---

---

dil ke do hisse jo kar Dale the husn-o-ishq ne
ek sahra ban gaya aur ek gulshan ho gaya

Nooh Narvi

---

---

dil jo de kar kisi kafir ko pareshan ho jae
aafiyat us ki hai is mein ki musalman ho jae

Nooh Narvi

---

---

dil apna kahin Thahre to hum bhi kahin Thahren
is kuche mein aa rahna us kuche mein ja rahna

Nooh Narvi

---

---

dikhae panch aalam ek payam-e-shauq ne mujh ko
ulajhna ruThna laDna bigaDna dur ho jaana

Nooh Narvi

---

---