aate aate rah par wo aaenge
jate jate bad-gumani jaegi

Nooh Narvi

---

---

aap jo kahte hain sab hazrat-e-naseh hai baja
kya karun zehn se ye lafz utar jate hain

Nooh Narvi

---

---

aap aae ban paDi mere dil-e-nashad ki
aap bigDe ban gai mere dil-e-nashad pa

Nooh Narvi

---

---

dunga jawab main bhi baDi shadd-o-mad ke sath
likkha hai us ne mujh ko baDe karr-o-farr se KHat

Nooh Narvi

---

---

is kam-sini mein ho unhen mera KHayal kya
wo kai baras ke hain abhi sin kya hai sal kya

Nooh Narvi

---

---

ek sitam Dhane mein fard ek sitam sahne mein
al-gharaz hai na tumhaara na mera dil naqis

Nooh Narvi

---

---

husn-e-mutlaq ka nishan kabe mein to milta nahin
ehtiyat aao chal kar dekh len but-KHana hum

Nooh Narvi

---

---

hazaron ranj-e-dil de de ke mashuqon ko jhele hain
ye papaD kis ne bele hain ye papaD main ne bele mein

Nooh Narvi

---

---

hamein israr milne par tumhein inkar milne se
na tum mano na hum manen na ye kam ho na wo kam ho

Nooh Narvi

---

---