saqi jo dil se chahe to aae wo zamana
har shaKHs ho sharabi har ghar sharab-KHana

Nooh Narvi

---

---

puri na agar ho to koi chiz nahin hai
nikle jo mere dil se to hasrat hai baDi chiz

Nooh Narvi

---

---

pamal ho ke bhi na uTha ku-e-yar se
main us gali mein saya-e-diwar ho gaya

Nooh Narvi

---

---

nuh baiThe hain chaarpai par
chaarpai pe nuh baiThe hain

Nooh Narvi

---

---

na milo khul ke to chori ki mulaqat rahe
hum bulaenge tumhein raat gae raat rahe

Nooh Narvi

---

---

mujh ko ye fikr ki dil muft gaya hathon se
un ko ye naz ki hum ne use chhina kaisa

Nooh Narvi

---

---

mujh ko nazron ke laDane se hai kaam
aap ko aankhen dikhane se gharaz

Nooh Narvi

---

---

mujh ko KHayal-e-abru-e-KHamdar ho gaya
KHanjar tera gale ka mere haar ho gaya

Nooh Narvi

---

---

ai 'nuh' tauba ishq se kar li thi aap ne
phir tank-jhank kyun hai ye phir dekh-bhaal kya

Nooh Narvi

---

---