hamare dil se kya arman sab ek sath niklenge
ki qaidi muKHtalif miad ke hote hain zindan mein

Nooh Narvi

---

---

hum ne ye dekh liya dekh liya dekh liya
aap bhi 'nuh' ke tufan se Dar jate hain

Nooh Narvi

---

---

hum intizar karen hum ko itni tab nahin
pila do tum hamein pani agar sharab nahin

Nooh Narvi

---

---

ghair ka ishq hai ki mera hai
saf kah do abhi sawera hai

Nooh Narvi

---

---

fitne dabe-dabae the jitne paDe hue
baiThe kahin ho tum to wo sab uTh khaDe hue

Nooh Narvi

---

---

aaj aaenge kal aaenge kal aaenge aaj aaenge
muddat se yahi wo kahte hain muddat se yahi hum sunte hain

Nooh Narvi

---

---

dosti ko bura samajhte hain
kya samajh hai wo kya samajhte hain

Nooh Narvi

---

---

dil unhen denge magar hum denge in sharton ke sath
aazma kar jaanch kar sun kar samajh kar dekh ka

Nooh Narvi

---

---

dil nazr karo zulm saho naz uThao
ai ahl-e-tamanna ye hain arkan-e-tamanna

Nooh Narvi

---

---