allah-re un ke husn ki moajiz-numaiyan
jis baam par wo aaen wahi koh-e-tur ho

Nooh Narvi

---

---

dam jo nikla to muddaa nikla
ek ke sath dusra nikla

Nooh Narvi

---

---

ai 'nuh' na tark-e-shaeri ho
be-kar-mabash kuchh kiya ka

Nooh Narvi

---

---

ai 'nuh' khul chale the wo hum se shab-e-visal
itne mein aaftab numudar ho gaya

Nooh Narvi

---

---

ai 'nuh' aate jate hain donon gharon mein hum
but-KHana hai qarib bahut KHanqah se

Nooh Narvi

---

---

ai dair-o-haram walo tum dil ki taraf dekho
kabe ka ye kaba hai but-KHane ka but-KHana

Nooh Narvi

---

---

ada aai jafa aai ghurur aaya hijab aaya
hazaron aafaten le kar hasinon par shabab aaya

Nooh Narvi

---

---

achchhe bure ko wo abhi pahchante nahin
kamsin hain bhole-bhaale hain kuchh jaante nahin

Nooh Narvi

---

---

abhi us qayamat ko main kya kahun
jo guzregi ji se guzarne ke baad

Nooh Narvi

---

---