اللہ کے بندوں کی ہے دنیا ہی نرالی
کانٹے کوئی بوتا ہے تو اگتے ہیں گلستاں

فاروق بانسپاری

---

---

غم عشق ہی نے کاٹی غم عشق کی مصیبت
اسی موج نے ڈبویا اسی موج نے ابھارا

فاروق بانسپاری

---

---

کسی کی راہ میں فاروقؔ برباد وفا ہو کر
برا کیا ہے کہ اپنے حق میں اچھا کر لیا میں نے

فاروق بانسپاری

---

---

مرے ناخدا نہ گھبرا یہ نظر ہے اپنی اپنی
ترے سامنے ہے طوفاں مرے سامنے کنارا

فاروق بانسپاری

---

---

مری زندگی کا محور یہی سوز و ساز ہستی
کبھی جذب والہانہ کبھی ضبط عارفانہ

فاروق بانسپاری

---

---

ندیم تاریخ فتح دانش بس اتنا لکھ کر تمام کر دے
کہ شاطران جہاں نے آخر خود اپنی چالوں سے مات کھائی

فاروق بانسپاری

---

---

ستاروں سے شب غم کا تو دامن جگمگا اٹھا
مگر آنسو بہا کر ہجر کے ماروں نے کیا پایا

فاروق بانسپاری

---

---

یقیں مجھے بھی ہے وہ آئیں گے ضرور مگر
وفا کرے گی کہاں تک کہ زندگی ہی تو ہے

فاروق بانسپاری

---

---