allah ke bandon ki hai duniya hi nirali
kanTe koi bota hai to ugte hain gulistan

Farooq Banspari

---

---

gham-e-ishq hi ne kaTi gham-e-ishq ki musibat
isi mauj ne Duboya isi mauj ne ubhaara

Farooq Banspari

---

---

kisi ki rah mein 'faruq' barbaad-e-wafa ho kar
bura kya hai ki apne haq mein achchha kar liya main ne

Farooq Banspari

---

---

mere naKHuda na ghabra ye nazar hai apni apni
tere samne hai tufan mere samne kinara

Farooq Banspari

---

---

meri zindagi ka mahwar yahi soz-o-saz-e-hasti
kabhi jazb-e-walhana kabhi zabt-e-arifana

Farooq Banspari

---

---

nadim tariKH-e-fath-e-danish bas itna likh kar tamam kar de
ki shatiran-e-jahan ne aaKHir KHud apni chaalon se mat khai

Farooq Banspari

---

---

sitaron se shab-e-gham ka to daman jagmaga uThTha
magar aansu baha kar hijr ke maron ne kya paya

Farooq Banspari

---

---

yaqin mujhe bhi hai wo aaenge zarur magar
wafa karegi kahan tak ki zindagi hi to hai

Farooq Banspari

---

---