اندھا سفر ہے زیست کسے چھوڑ دے کہاں
الجھا ہوا سا خواب ہے تعبیر کیا کریں

اکرم نقاش

---

---

بارہا تو نے خواب دکھلائے
بارہا ہم نے کر لیا ہے یقیں

اکرم نقاش

---

---

بدن ملبوس میں شعلہ سا اک لرزاں قرین جاں
دل خاشاک بھی شعلہ ہوا جلتا رہا میں بھی

اکرم نقاش

---

---

ہوا بھی چاہئے اور روشنی بھی
ہر اک حجرہ دریچہ چاہتا ہے

اکرم نقاش

---

---

ہزار کارواں یوں تو ہیں میرے ساتھ مگر
جو میرے نام ہے وہ قافلہ کب آئے گا

اکرم نقاش

---

---

عشق اک ایسی حویلی ہے کہ جس سے باہر
کوئی دروازہ کھلے اور نہ دریچہ نکلے

اکرم نقاش

---

---

جیسے پانی پہ نقش ہو کوئی
رونقیں سب عدم ثبات رہیں

اکرم نقاش

---

---

جیوں گا میں تری سانسوں میں جب تک
خود اپنی سانس میں زندہ رہوں گا

اکرم نقاش

---

---

کچھ تو عنایتیں ہیں مرے کارساز کی
اور کچھ مرے مزاج نے تنہا کیا مجھے

اکرم نقاش

---

---