اظہار حال کا بھی ذریعہ نہیں رہا
دل اتنا جل گیا ہے کہ آنکھوں میں نم نہیں

اسماعیلؔ میرٹھی

---

---

خواہشوں نے ڈبو دیا دل کو
ورنہ یہ بحر بیکراں ہوتا

اسماعیلؔ میرٹھی

---

---

عشق کی چوٹ کا کچھ دل پہ اثر ہو تو سہی
درد کم ہو یا زیادہ ہو مگر ہو تو سہی

جلالؔ لکھنوی

---

---

جلالؔ عہد جوانی ہے دو گے دل سو بار
ابھی کی توبہ نہیں اعتبار کے قابل

جلالؔ لکھنوی

---

---

دل کو اس طرح دیکھنے والے
دل اگر بے قرار ہو جائے

جلال الدین اکبر

---

---

دل آباد کہاں رہ پائے اس کی یاد بھلا دینے سے
کمرہ ویراں ہو جاتا ہے اک تصویر ہٹا دینے سے

جلیل عالیؔ

---

---

دل پہ کچھ اور گزرتی ہے مگر کیا کیجے
لفظ کچھ اور ہی اظہار کئے جاتے ہیں

جلیل عالیؔ

---

---