میرا کرب مری تنہائی کی زینت
میں چہروں کے جنگل کا سناٹا ہوں

عنبر بہرائچی

---

---

کرتا میں دردمند طبیبوں سے کیا رجوع
جس نے دیا تھا درد بڑا وہ حکیم تھا

for my pain how could I seek, from doctors remedy
the one who caused this ache, a healer great was he

امیر مینائی

---

---

ناوک ناز سے مشکل ہے بچانا دل کا
درد اٹھ اٹھ کے بتاتا ہے ٹھکانا دل کا

امیر مینائی

---

---

پہلو میں میرے دل کو نہ اے درد کر تلاش
مدت ہوئی غریب وطن سے نکل گیا

امیر مینائی

---

---

دل پر چوٹ پڑی ہے تب تو آہ لبوں تک آئی ہے
یوں ہی چھن سے بول اٹھنا تو شیشہ کا دستور نہیں

عندلیب شادانی

---

---

درد معراج کو پہنچتا ہے
جب کوئی ترجماں نہیں ملتا

عرش ملسیانی

---

---

الفت کے بدلے ان سے ملا درد لا علاج
اتنا بڑھے ہے درد میں جتنی دوا کروں

اثر اکبرآبادی

---

---