تمہاری یاد میں دنیا کو ہوں بھلائے ہوے
تمہارے درد کو سینے سے ہوں لگائے ہوے

اثر صہبائی

---

---

یارو نئے موسم نے یہ احسان کیے ہیں
اب یاد مجھے درد پرانے نہیں آتے

بشیر بدر

---

---

اگر درد محبت سے نہ انساں آشنا ہوتا
نہ کچھ مرنے کا غم ہوتا نہ جینے کا مزا ہوتا

چکبست برج نرائن

---

---

کب ٹھہرے گا درد اے دل کب رات بسر ہوگی
سنتے تھے وہ آئیں گے سنتے تھے سحر ہوگی

فیض احمد فیض

---

---

منت چارہ ساز کون کرے
درد جب جاں نواز ہو جائے

فیض احمد فیض

---

---

تیز ہے آج درد دل ساقی
تلخیٔ مے کو تیز تر کر دے

فیض احمد فیض

---

---

زندگی کیا کسی مفلس کی قبا ہے جس میں
ہر گھڑی درد کے پیوند لگے جاتے ہیں

فیض احمد فیض

---

---