دو طرف تھا ہجوم صدیوں کا
ایک لمحہ سا درمیاں میں تھا

اعجاز اعظمی

---

---

میں وہاں ہوں جہاں نہیں کوئی
کچھ نہیں تھا جہاں وہاں میں تھا

اعجاز اعظمی

---

---

عجیب شخص تھا میں بھی بھلا نہیں پایا
کیا نہ اس نے بھی انکار یاد آنے سے

اعجاز گل

---

---

اطوار اس کے دیکھ کے آتا نہیں یقیں
انساں سنا گیا ہے کہ آفاق میں رہا

اعجاز گل

---

---

بے سبب جمع تو کرتا نہیں تیر و ترکش
کچھ ہدف ہوگا زمانے کی ستم گاری کا

اعجاز گل

---

---

بجھی نہیں مرے آتش کدے کی آگ ابھی
اٹھا نہیں ہے بدن سے دھواں کہاں گیا میں

اعجاز گل

---

---

چاہا تھا مفر دل نے مگر زلف گرہ گیر
پیچاک بناتی رہی پیچاک سے باہر

اعجاز گل

---

---