شہر میں جرم و حوادث اس قدر ہیں آج کل
اب تو گھر میں بیٹھ کر بھی لوگ گھبرانے لگے

چندر بھان خیال

---

---

سوچتا ہوں تو اور بڑھتی ہے
زندگی ہے کہ پیاس ہے کوئی

چندر بھان خیال

---

---

صبح آتی ہے دبے پاؤں چلی جاتی ہے
گھیر لیتا ہے مجھے شام ڈھلے سناٹا

چندر بھان خیال

---

---

تیری پرچھائیں سمٹتی جائے گی
جیسے جیسے پھیلتا جائے گا تو

چندر بھان خیال

---

---

تم جسے سمجھے ہو دنیا اس کے آنچل کے تلے
گیسوؤں کے پیچ اور خم کے سوا کچھ بھی نہیں

چندر بھان خیال

---

---

وقت اور حالات پر کیا تبصرہ کیجے کہ جب
ایک الجھن دوسری الجھن کو سلجھانے لگے

چندر بھان خیال

---

---

وہ جہاں چاہے چلا جائے یہ اس کا اختیار
سوچنا یہ ہے کہ میں خود کو کہاں لے جاؤں گا

چندر بھان خیال

---

---