اگر درد محبت سے نہ انساں آشنا ہوتا
نہ کچھ مرنے کا غم ہوتا نہ جینے کا مزا ہوتا
چکبست برج نرائن
عزیزان وطن کو غنچہ و برگ و ثمر جانا
خدا کو باغباں اور قوم کو ہم نے شجر جانا
چکبست برج نرائن
ٹیگز:
| 2 لائنیں شیری |
چراغ قوم کا روشن ہے عرش پر دل کے
اسے ہوا کے فرشتے بجھا نہیں سکتے
چکبست برج نرائن
ٹیگز:
| 2 لائنیں شیری |
ایک ساغر بھی عنایت نہ ہوا یاد رہے
ساقیا جاتے ہیں محفل تری آباد رہے
چکبست برج نرائن
ٹیگز:
| 2 لائنیں شیری |
گنہگاروں میں شامل ہیں گناہوں سے نہیں واقف
سزا کو جانتے ہیں ہم خدا جانے خطا کیا ہے
چکبست برج نرائن
ٹیگز:
| گنہ |
| 2 لائنیں شیری |
ہے مرا ضبط جنوں جوش جنوں سے بڑھ کر
ننگ ہے میرے لیے چاک گریباں ہونا
چکبست برج نرائن
ٹیگز:
| 2 لائنیں شیری |
اک سلسلہ ہوس کا ہے انساں کی زندگی
اس ایک مشت خاک کو غم دو جہاں کے ہیں
چکبست برج نرائن
ٹیگز:
| زندگی |
| 2 لائنیں شیری |