اک اذیت ہے تو لذت بھی ترے درد میں ہے
بے سکونی میں بھی آرام بہت آتا ہے

بشریٰ فرخ

---

---

عرصہ ہوا کسی نے پکارا نہیں مجھے
شاید کسی کو میری ضرورت نہیں رہی

بشریٰ ہاشمی

---

---

دل کے زخموں کی چبھن دیدۂ تر سے پوچھو
میرے اشکوں کا ہے کیا مول گہر سے پوچھا

بشریٰ ہاشمی

---

---

جو نہ کٹ سکا وہ نشان تھا کسی زخم کا
جو نہ مل سکا وہ سراب تھا کوئی خواب تھا

بشریٰ ہاشمی

---

---

سرمایۂ حیات ہوا چاہتا ہے ختم
جس پر غرور تھا وہی دولت نہیں رہی

بشریٰ ہاشمی

---

---

وہی لفظ ہیں در بے بہا مرے واسطے
جنہیں چھو گئی ہو تری زباں مرے مہرباں

بشریٰ ہاشمی

---

---

ادب تعلیم کا جوہر ہے زیور ہے جوانی کا
وہی شاگرد ہیں جو خدمت استاد کرتے ہیں

چکبست برج نرائن

---

---