یہ دل جو مضطرب رہتا بہت ہے
کوئی اس دشت میں تڑپا بہت ہے

بیدل حیدری

---

---

کچھ بے ادبی اور شب وصل نہیں کی
ہاں یار کے رخسار پہ رخسار تو رکھا

بیگم لکھنوی

---

---

ہم بھی خود کو تباہ کر لیتے
تم ادھر بھی نگاہ کر لیتے

بہزاد لکھنوی

---

---

عشق کا اعجاز سجدوں میں نہاں رکھتا ہوں میں
نقش پا ہوتی ہے پیشانی جہاں رکھتا ہوں میں

بہزاد لکھنوی

---

---

میں ڈھونڈھ رہا ہوں مری وہ شمع کہاں ہے
جو بزم کی ہر چیز کو پروانہ بنا دے

بہزاد لکھنوی

---

---

مجھے تو ہوش نہ تھا ان کی بزم میں لیکن
خموشیوں نے میری ان سے کچھ کلام کیا

بہزاد لکھنوی

---

---

زندہ ہوں اس طرح کہ غم زندگی نہیں
جلتا ہوا دیا ہوں مگر روشنی نہیں

بہزاد لکھنوی

---

---