ai shama subh hoti hai roti hai kis liye
thoDi si rah gai hai ise bhi guzar de

Aish Dehlvi

---

---

jaane kya mahfil-e-parwana mein dekha us ne
phir zaban khul na saki shama jo KHamosh hui

Aleem Masroor

---

---

sab ek charagh ke parwane hona chahte hain
ajib log hain diwane hona chahte hain

Asad Badayuni

---

---

aushni jab se mujhe chhoD gai
shama roti hai sirhane mere

Asghar Velori

---

---

shama bujh kar rah gai parwana jal kar rah gaya
yaadgar-e-husn-o-ishq ek dagh dil par rah gaya

Aziz Lakhnavi

---

---

tu kahin ho dil-e-diwana wahan pahunchega
shama hogi jahan parwana wahan pahunchega

Bahadur Shah Zafar

---

---

main DhunDh raha hun meri wo shama kahan hai
jo bazm ki har chiz ko parwana bana de

Behzad Lakhnavi

---

---