یہ رند دے گئے لقمہ تجھے تو عذر نہ مان
ترا تو شیخ تنور و شکم برابر ہے

بقا اللہ بقاؔ

---

---

دوست ناراض ہو گئے کتنے
اک ذرا آئنہ دکھانے میں

باقی احمد پوری

---

---

ساری بستی میں فقط میرا ہی گھر ہے بے چراغ
تیرگی سے آپ کو میرا پتا مل جائے گا

باقی احمد پوری

---

---

سب دوست مصلحت کے دکانوں میں بک گئے
دشمن تو پرخلوص عداوت میں اب بھی ہے

باقی احمد پوری

---

---

باقیؔ جو چپ رہوگے تو اٹھیں گی انگلیاں
ہے بولنا بھی رسم جہاں بولتے رہو

باقی صدیقی

---

---

بند کلیوں کی ادا کہتی ہے
بات کرنے کے ہیں سو پیرائے

باقی صدیقی

---

---

دل کی دیوار گر گئی شاید
اپنی آواز کان میں آئی

باقی صدیقی

---

---