رک گیا آ کے جہاں قافلۂ رنگ و نشاط
کچھ قدم آگے ذرا بڑھ کے مکاں ہے میرا

اسلم محمود

---

---

تمام عمر جسے میں عبور کر نہ سکا
درون ذات مرے بے کنار سا کچھ ہے

اسلم محمود

---

---

تیغ نفس کو بہت ناز تھا رفتار پر
ہو گئی آخر مرے خوں میں نہا کر خموش

اسلم محمود

---

---

تیرے کوچے کی ہوا پوچھے ہے اب ہم سے
نام کیا ہے کیا نسب ہے ہم کہاں کے ہیں

اسلم محمود

---

---

وہ درد ہوں کوئی چارہ نہیں ہے جس کا کہیں
وہ زخم ہوں کہ ہے دشوار اندمال مرا

اسلم محمود

---

---

یہی نہیں کہ کسی یاد نے ملول کیا
کبھی کبھی تو یونہی بے سبب بھی روئے ہیں

اسلم محمود

---

---

انجانے لوگوں کو ہر سو چلتا پھرتا دیکھ رہا ہوں
کیسی بھیڑ ہے پھر بھی خود کو تنہا تنہا دیکھ رہا ہوں

اسرار زیدی

---

---