ہوائیں شہر کی آلودۂ کثافت ہیں
یہ صاف ستھرا پن اور یہ نفاستیں جھوٹی

اسلم عمادی

---

---

ہزار راستے بدلے ہزار سوانگ رچے
مگر ہے رقص میں سر پر اک آسمان وہی

اسلم عمادی

---

---

نمی اتر گئی دھرتی میں تہہ بہ تہہ اسلمؔ
بہار اشک نئی رت کی ابتدا میں ہے

اسلم عمادی

---

---

تم مرے کمرے کے اندر جھانکنے آئے ہو کیوں
سو رہا ہوں چین سے ہوں ٹھیک ہے سب ٹھیک ہے

اسلم عمادی

---

---

تمہارے درد سے جاگے تو ان کی قدر کھلی
وگرنہ پہلے بھی اپنے تھے جسم و جان وہی

اسلم عمادی

---

---

انہیں یہ فکر کہ دل کو کہاں چھپا رکھیں
ہمیں یہ شوق کہ دل کا خسارہ کیونکر ہو

اسلم عمادی

---

---

نفرت سے ہے نفرت ہم کو پریت ہماری ریت
پیار کے ہیں انمول خزانے تتلی پھول اور میں

اسلم فیضی

---

---