ہمیں مٹ کے بھی یہ حسرت کہ بھٹکتے اس گلی میں
وہ ہیں کیسے لوگ یا رب جو قیام چاہتے ہیں

ارشد صدیقی

---

---

ہو انتظار کسی کا مگر مری نظریں
نہ جانے کیوں تری آمد کی راہ تکتی ہیں

ارشد صدیقی

---

---

عجیب چیز ہے یہ شوق آرزو مندی
حیات مٹ کے رہی دل خراب ہو کے رہا

عرشی بھوپالی

---

---

بہت عزیز نہ کیوں ہو کہ درد ہے تیرا
یہ درد بڑھ کے رہا اضطراب ہو کے رہا

عرشی بھوپالی

---

---

ہم تو آوارۂ صحرا ہیں ہمیں کیا مطلب
ان کی محفل میں جنوں کی کوئی توقیر سہی

عرشی بھوپالی

---

---

ہمیں تو اپنی تباہی کی داد بھی نہ ملی
تری نوازش بیجا کا کیا گلا کرتے

عرشی بھوپالی

---

---

موقوف فصل گل پہ نہیں رونق چمن
نظریں جوان ہوں تو خزاں بھی بہار ہے

عرشی بھوپالی

---

---