میں اپنے آپ کو کس طرح سنگسار کروں
مرے خلاف مرا دل اگر گواہی دے

عقیل شاداب

---

---

مری تلاش میں ہے کوئی ایسا لگتا ہے
کسی کا گم شدہ شادابؔ رخت ہوں شاید

عقیل شاداب

---

---

مجھے کسی نے سنا ہی نہیں توجہ سے
میں بد زبان صدائے کرخت ہوں شاید

عقیل شاداب

---

---

شاید کوئی کمی میرے اندر کہیں پہ ہے
میں آسماں پہ ہوں مرا سایہ زمیں پہ ہے

عقیل شاداب

---

---

تھا جس پہ میری زندگی کا انحصار
اسی کا نام دھیان میں نہیں رہا

عقیل شاداب

---

---

یہ اور بات کہ وہ اب یہاں نہیں رہتا
مگر یہ اس کا بسایا ہوا مکان تو ہے

عقیل شاداب

---

---

زندگی جس کے تصور میں بسر کی ہم نے
ہائے وہ شخص حقیقت میں کہانی نکلا

عقیل شاداب

---

---