تو اس نگاہ سے پی وقت مے کشی تاباںؔ
کی جس نگاہ پہ قربان پارسائی ہو

انور تاباں

---

---

یہ یقیں ہے کی میری الفت کا
ہوگا ان پر اثر کبھی نہ کبھی

انور تاباں

---

---

حجاب ان سے وہ میرا پوچھنا سر رکھ کے قدموں پر
سبب کیا ہے جو یوں مجھ سے خفا سرکار بیٹھے ہیں

انوری جہاں بیگم حجاب

---

---

کہاں ممکن ہے پوشیدہ غم دل کا اثر ہونا
لبوں کا خشک ہو جانا بھی ہے آنکھوں کا تر ہونا

انوری جہاں بیگم حجاب

---

---

ملنے کے بعد بیٹھ رہا پھیر کر نگاہ
ظالم یگانہ ہوتے ہی بیگانہ ہو گیا

انوری جہاں بیگم حجاب

---

---

محیط رحمت ہے جوش افزا ہوئی ہے ابر سخا کی آمد
خدا کی ہر چیز کہہ رہی ہے کہ اب ہے نور خدا کی آمد

انوری جہاں بیگم حجاب

---

---

قیامت تھا ستم تھا قہر تھا خلوت میں او ظالم
وہ شرما کر ترا میری بغل میں جلوہ گر ہونا

انوری جہاں بیگم حجاب

---

---