زندگی مرگ طلب ترک طلب اخترؔ نہ تھی
پھر بھی اپنے تانے بانے میں مجھے الجھا گئی

اختر ہوشیارپوری

---

---

دل جہاں بات کرے دل ہی جہاں بات سنے
کار دشوار ہے اس طرز میں کہنا اچھا

اختر حسین جعفری

---

---

شاخ تنہائی سے پھر نکلی بہار فصل ذات
اپنی صورت پر ہوئے ہم پھر بحال اس کے لیے

اختر حسین جعفری

---

---

تپش گلزار تک پہنچی لہو دیوار تک آیا
چراغ خود کلامی کا دھواں بازار تک آیا

اختر حسین جعفری

---

---

اندھیری رات کی پرچھائیوں میں ڈوب گیا
سحر کی کھوج میں جو بھی افق کے پار گیا

اختر امام رضوی

---

---

آخری دید ہے آؤ مل لیں
رنج بے کار ہے کیا ہونا ہے

اختر امام رضوی

---

---

اب بھی آتی ہے تری یاد پہ اس کرب کے ساتھ
ٹوٹتی نیند میں جیسے کوئی سپنا دیکھا

اختر امام رضوی

---

---