گل کھلائے نہ کہیں فتنۂ دوراں کچھ اور
آج کل دور مے و جام سے جی ڈرتا ہے

اختر انصاری اکبرآبادی

---

---

گلوں کا ذکر بہاروں میں کر چکے اخترؔ
اب آؤ ہوش میں برق و شرر کی بات کرو

اختر انصاری اکبرآبادی

---

---

ہم جو لٹے اس شہر میں جا کر دکھ لوگوں کو کیوں پہنچا
اپنی نظر تھی اپنا دل تھا کوئی پرایا مال نہ تھا

اختر انصاری اکبرآبادی

---

---

ہو کوئی موج طوفاں یا ہوائے تند کا جھونکا
جو پہنچا دے لب ساحل اسی کو ناخدا سمجھو

اختر انصاری اکبرآبادی

---

---

اک حسن مکمل ہے تو اک عشق سراپا
ہشیار سا اک شخص ہے دیوانہ سا اک شخص

اختر انصاری اکبرآبادی

---

---

کچھ اندھیرے ہیں ابھی راہ میں حائل اخترؔ
اپنی منزل پہ نظر آئے گا انساں اک روز

اختر انصاری اکبرآبادی

---

---

کیا کرشمہ ہے مرے جذبۂ آزادی کا
تھی جو دیوار کبھی اب ہے وہ در کی صورت

اختر انصاری اکبرآبادی

---

---