آساں نہیں انصاف کی زنجیر ہلانا
دنیا کو جہانگیر کا دربار نہ سمجھو

اختر بستوی

---

---

برسوں سے اس میں پھل نہیں آئے تو کیا ہوا
سایہ تو اب بھی صحن کے کہنہ شجر میں ہے

اختر بستوی

---

---

کیجئے کس کس سے آخر نا شناسی کا گلہ
جب کسی نے بھی نگاہ معتبر ڈالی نہیں

اختر بستوی

---

---

جس نے دنیا بھر کے غم اپنائے تھے
اس کو دنیا نے کہا بے درد تھا

اختر فیروز

---

---

اے جلتی رتو گواہ رہنا
ہم ننگے پاؤں چل رہے ہیں

اختر ہوشیارپوری

---

---

اخترؔ گزرتے لمحوں کی آہٹ پہ یوں نہ چونک
اس ماتمی جلوس میں اک زندگی بھی ہے

اختر ہوشیارپوری

---

---

الماری میں تصویریں رکھتا ہوں
اب بچپن اور بڑھاپا ایک ہوئے

اختر ہوشیارپوری

---

---