یہی ہے زندگی کچھ خواب چند امیدیں
انہیں کھلونوں سے تم بھی بہل سکو تو چلو

ندا فاضلی

---

---

یقین چاند پہ سورج میں اعتبار بھی رکھ
مگر نگاہ میں تھوڑا سا انتظار بھی رکھ

ندا فاضلی

---

---

یہ کاٹے سے نہیں کٹتے یہ بانٹے سے نہیں بٹتے
ندی کے پانیوں کے سامنے آری کٹاری کیا

ندا فاضلی

---

---

یہ شہر ہے کہ نمائش لگی ہوئی ہے کوئی
جو آدمی بھی ملا بن کے اشتہار ملا

ندا فاضلی

---

---

ضروری کیا ہر اک محفل میں بیٹھیں
تکلف کی روا داری سے بچئے

ندا فاضلی

---

---

تم جو آئے ہو تو شکل در و دیوار ہے اور
کتنی رنگین مری شام ہوئی جاتی ہے

نہال سیوہاروی

---

---

ہزار رنگ بد اماں سہی مگر دنیا
بس ایک سلسلۂ اعتبار ہے، کیا ہے

نکہت بریلوی

---

---