بسر کرے جو مجاہدانہ حیات اسے دائمی ملے گی
نہ بھیک میں زندگی ملی ہے نہ بھیک میں زندگی ملے گی

نثار اٹاوی

---

---

چھپے تو کیسے چھپے چمن میں مرا ترا ربط والہانہ
کلی کلی حسن کی کہانی نظر نظر عشق کا فسانہ

نثار اٹاوی

---

---

دل میں کیا کیا گماں گزرتے ہیں
مسکراؤ نہ بات سے پہلے

نثار اٹاوی

---

---

کل جو ذکر جام و مینا آ گیا
میری توبہ کو پسینا آ گیا

نثار اٹاوی

---

---

کلی کی خو ہے بہرحال مسکرانے کی
وگرنہ راس کسے ہے ہوا زمانے کی

نثار اٹاوی

---

---

کتنے پر ہول اندھیروں سے گزر کر اے دوست
ہم ترے حسن کی رخشندہ سحر تک پہنچے

نثار اٹاوی

---

---

کچھ حسن کے فسانے ترتیب دے رہا ہوں
دفتر الٹ رہا ہوں ہر پھول ہر کلی کا

نثار اٹاوی

---

---