جانے کس وقت کوچ کرنا ہو
اپنا سامان مختصر رکھیے

نکہت افتخار

---

---

آ دوست ساتھ آ در ماضی سے مانگ لائیں
وہ اپنی زندگی کہ جواں بھی حسیں بھی تھی

نثار اٹاوی

---

---

اب بھی جو لوگ سر دار نظر آتے ہیں
کچھ وہی محرم اسرار نظر آتے ہیں

نثار اٹاوی

---

---

افسوس کسی سے مٹ نہ سکی انسان کے دل کی تشنہ لبی
شبنم ہے کہ رویا کرتی ہے بادل ہیں کہ برسا کرتے ہیں

نثار اٹاوی

---

---

اے عقل ساتھ رہ کہ پڑے گا تجھی سے کام
راہ طلب کی منزل آخر جنوں نہیں

نثار اٹاوی

---

---

بہار ہو کہ موج مے کہ طبع کی روانیاں
جدھر سے وہ گزر گئے ابل پڑیں جوانیاں

نثار اٹاوی

---

---

برسوں سے ترا ذکر ترا نام نہیں ہے
لیکن یہ حقیقت ہے کہ آرام نہیں ہے

نثار اٹاوی

---

---