دھرتی کو دھڑکن ملی ملا سمے کو گیان
میرے جب جب لب کھلے اٹھا کوئی طوفان

نذیر فتح پوری

---

---

کاغذ کو میں نے دیا شبدوں کا وردان
گیت غزل کے روپ میں مجھے ملا سمان

نذیر فتح پوری

---

---

کون اب اس کو اجڑنے سے بچا سکتا ہے
ہائے وہ گھر کہ جو اپنے ہی مکیں کا نہ رہا

نذیر فتح پوری

---

---

پسینہ میری محنت کا مرے ماتھے پہ روشن تھا
چمک لعل و جواہر کی مری ٹھوکر پہ رکھی تھی

ناظر صدیقی

---

---

مجھ سے زیادہ کون تماشہ دیکھ سکے گا
گاندھی جی کے تینوں بندر میرے اندر

ناظر وحید

---

---

رنگ درکار تھے ہم کو تری خاموشی کے
ایک آواز کی تصویر بنانی تھی ہمیں

ناظر وحید

---

---

جوانو نذر دے دو اپنے خون دل کا ہر قطرہ
لکھا جائے گا ہندوستان کو فرمان آزادی

نازش پرتاپ گڑھی

---

---