جو اہل دل ہیں الگ ہیں وہ اہل ظاہر سے
نہ میں ہوں شیخ کی جانب نہ برہمن کی طرف

نظم طبا طبائی

---

---

کعبہ و بت خانہ عارف کی نظر سے دیکھیے
خواب دونوں ایک ہی ہیں فرق ہے تعبیر میں

نظم طبا طبائی

---

---

کیا ہے اس نے ہر اک سے وصال کا وعدہ
اس اشتیاق میں مرنا ضروری ہوتا ہے

نظم طبا طبائی

---

---

لوٹتے رہتے ہیں مجھ پر چاہنے والوں کے دل
ورنہ یوں پوشاک تیری ملگجی ہوتی نہیں

نظم طبا طبائی

---

---

مری باتوں میں کیا معلوم کب سوئے وہ کب جاگے
سرے سے اس لیے کہنی پڑی پھر داستاں مجھ کو

نظم طبا طبائی

---

---

نشہ میں سوجھتی ہے مجھے دور دور کی
ندی وہ سامنے ہے شراب طہور کی

نظم طبا طبائی

---

---

نظر کہیں نہیں اب آتے حضرت ناصح
سنا ہے گھر میں کسی مہ لقا کے بیٹھ گئے

نظم طبا طبائی

---

---