روز سیہ میں ساتھ کوئی دے تو جانئے
جب تک فروغ شمع ہے پروانہ ساتھ ہے

نظم طبا طبائی

---

---

سحر کو اٹھتے ہیں وہ دیکھ کر کف رنگیں
اب آئنے پہ بھی سکے حنا کے بیٹھ گئے

نظم طبا طبائی

---

---

تو نے تو اپنے در سے مجھ کو اٹھا دیا ہے
پرچھائیں پھر رہی ہے میری اسی گلی میں

نظم طبا طبائی

---

---

اڑ کے جاتی ہے مری خاک ادھر گاہ ادھر
کچھ پتا دے نہ گئی عمر گریزاں اپنا

نظم طبا طبائی

---

---

اڑائی خاک جس صحرا میں تیرے واسطے میں نے
تھکا ماندہ ملا ان منزلوں میں آسماں مجھ کو

نظم طبا طبائی

---

---

یہ دل کی بے قراری خاک ہو کر بھی نہ جائے گی
سناتی ہے لب ساحل سے یہ ریگ رواں مجھ کو

نظم طبا طبائی

---

---

یوں میں سیدھا گیا وحشت میں بیاباں کی طرف
ہاتھ جس طرح سے آتا ہے گریباں کی طرف

نظم طبا طبائی

---

---