اب ہواؤں کے دام کھلنے ہیں
خوشبوؤں کا تو ہو چکا سودا

نوین سی چترویدی

---

---

بغیر پوچھے مرے سر میں بھر دیا مذہب
میں روکتا بھی تو کیسے کہ میں تو بچہ تھا

نوین سی چترویدی

---

---

بیٹھے بیٹھے کا سفر صرف ہے خوابوں کا فتور
جسم دروازے تک آئے تو گلی تک پہنچے

نوین سی چترویدی

---

---

بھلا دیا ہے جو تو نے تو کچھ ملال نہیں
کئی دنوں سے مجھے بھی ترا خیال نہیں

نوین سی چترویدی

---

---

ہم تو اس کے ذہن کی عریانیوں پر مر مٹے
داد اگرچہ دے رہے ہیں جسم اور پوشاک پر

نوین سی چترویدی

---

---

کس کو فرصت ہے جو حرفوں کی حرارت سمجھائے
بات آسانی تک آئے تو سبھی تک پہنچے

نوین سی چترویدی

---

---

کچھ بھنور یوں اچٹ پڑے تھے جیوں
خودکشی پر ہو کوئی آمادہ

نوین سی چترویدی

---

---