یہی زندگی مصیبت یہی زندگی مسرت
یہی زندگی حقیقت یہی زندگی فسانہ

معین احسن جذبی

---

---

یوں بڑھی ساعت بہ ساعت لذت درد فراق
رفتہ رفتہ میں نے خود کو دشمن جاں کر دیا

معین احسن جذبی

---

---

ضبط غم بے سبب نہیں جذبیؔ
خلش دل بڑھا رہا ہوں میں

معین احسن جذبی

---

---

کچھ کمایا نہیں بازار خبر میں رہ کر
بند دکان کریں بے خبری پیشہ کریں

معین نجمی

---

---

تری نگاہ تو اس دور کی زکوۃ ہوئی
جو مستحق ہے اسی تک نہیں پہنچتی ہے

معین شاداب

---

---

اس سے ملنے کی خوشی بعد میں دکھ دیتی ہے
جشن کے بعد کا سناٹا بہت کھلتا ہے

معین شاداب

---

---

آپ کی کون سی بڑھی عزت
میں اگر بزم میں ذلیل ہوا

مومن خاں مومن

---

---